زمان كان ما كان والعوض على الله في آخر زمان
زمان كان ما كان والعوض على الله في آخر زمان
سليم ابو محفوظ
اليوم وانا جالس في البيت والوضع هدوء تام … صفنت طويلا وتذكرت ايام زمان لما سكنا الغويرية وهي صحراء كبيرة وما حولينا سكان غير صاحب الارض الحاج عليان والد ابو الفول جضعان .
هو في قصر من السكان واحنا في بيت شعر قاعدين ، والدي عمر غرفة من الطين وأصبحت لاخوي مثقال دكان.
زمان كان الناس في بيوت الشعر سكان .
زمان كان المجاورين أحسن جيران .
زمان كان الحمار للنقل والقنوة للقتل.
زمان كان الحمار لجمع النفايات.
زمان كانت المدارس بعيدة عن الطلاب.
زمان كان في رفقاء طريق جيدين.
زمان كنا نقبض مؤن وبقج وبطاطين .
زمان كان شيك لمدرسة السواقين .
زمان كنا مواطنين أخوة متحابين .
زمان كانت الملوخية اكلة شعبية.
زمان كانت البامية طبختها مع نص وقية لية .
زمان بقرش كاز بتعبي القنية.
زمان كان العريف بالشرطة رئيس مغفر.
زمان كان الكازوزة بقرش ونلعب فارت .
زمان كانت حبة الاسكمو بتعريفة والقلاس بقرش .
زمان لبن حليب الاجئين يباع بجردل مع الدواج والوقية بقرش.
زمان كان لبن المخيض يباع على الحمار وينادي البياع لبن لبن.
زمان كان السيل في خير كثير.
زمان كان دونم الارض رخيص أبوي اشتراه بخمس ليرات في بداية الخمسينيات.
زمان في الستينيات كان دونم الارض ب ميتين دينار.
زمان كان الموظف يحترم المراجع.
زمان كان الاستاذ بقربطة .
زمان كانت المحرمة شرايط والمسطرة خشب .
زمان كانت الرشوة حرام .
زمان كان الكبار الجهال بالعلم الهم احترام .
زمان ما كانت المرأة تسوق سيارة.
زمان كان البيت غرفة بتوسع عيلة كبيرة.
زمان كنا ننام على حصيرة زمبسوطين .
زمان كان الدفتر بقرش والمصروف تعريفة .
زمان كانت الجدة والام والبنية مع بعض يوكلو على صينية .
زمان ما في علماء وباشوات في كل خربوش وقرية بس محترمين .
زمان ما حد كان يتهجم على الاطباء والمعلمين.
زمان كنا بشر النا قيم وعادات طيبة وعايشين .
زمان ضحكوا علينا وأوهمونا بأننا أحرار مو مستعمرين .
زمان إستعملونا مطايا لمظاهرات وإحتجاجات وثورات وهم عملاء مميزين. زمان كان الوطن غالي يفتدى بالمهج والارواح .
زمان كانت فاتورة الماء 25 قرش وفاتورة الكهرباء ب 30 قرش .
زمان كان الاجرة لعمان بقرشين ونص والتكسي الشعبية اربع قروش ونصف. زمان كان تين رام الله الاسود السحارة الخشب الماركة بخمس قروش.
زمان كنا نحلق عند ابو عاطف الله يرحمو بتعريفة ع السفر وقرش بشليش. زمان كانت الزرقاء بشارع واحد شارع اربد.
زمان بني اول مسجد في الزرقاء هم الشيشان .
زمان المدرسة الثانوية الها طنة ورنة اسمها مدرسة المعارف.
زمان كان سيل الزرقاء مصدر لانتاج القصيب لسقف البيوت الطينية .
زمان كانت ام عطوة وام صبحي وست زهيدة وغيرهن من العجايز دايات لولادة النسوان ويعالجن كمان.
زمان ما كانت تطلع النساء بعد المغرب.
زمان ما كانت المرأة والبنات يمشن في الاسواق لوحدهن .
زمان ما كنت النساء يشربن القهوة في الشوارع ويتمايلن بخلاعة .
زمان كانت تخجل المرأة من أن يعرف زوجها عليها الدورة ولا تعلمه وتختلق الاعذار .
زمان كان خجل وحياء.
زمان كان الاخ يحترم اخوه .
زمان كانت البندورة طبيعية حمراء ، والخيار اخضر ، والبطيخ من برا اخضر وجوا احمر.
زمان كان في مطر وعلى السيل شجر.
زمان كانت المرأة تلبس ثوب ومدرقة .
زمان كان في جيران محترمين مو على الطرق مبحطين .
زمان ما كان في كانسل ولا ضغط وسكري .
زمان عدا وفات … كان في حياء عند البنات .
زمان كان العريس يدور على بنت الاصل وما في صالة 3 مرات وشهر عسل .
زمان كان الطلاق عيب .
زمان كان الاب يمون مو الام بتخون .
زمان كان الشور للرجال مو للساحبة وبنت الخال .
زمان كانت دكانة مو مول بضاعته تلفانة .
زمان كان اللحام بيعرف الله مو زي اليوم العوض على الله.
زمان كانت المرأة تربي ولادها مو زي اليوم عقيم ما بدها خلفة .
زمان كان زمان والعوض على الله في آخر الزمان