راح فيها الذيب مقطوع النصيب- اميمه نايف بني سليم
راح فيها الذيب مقطوع النصيب
يوم خم الطير في عالي سماه
يحسب ان الارض حدره تجيب
وان ضلعه ماانقطع ساعة رقاه
ثم قفزله قفزة” منها يشيب
راس من شافه على حيد الصفاه
وقام يسبح بالهوا حدرة شعيب
مثل سباح” سبح في وسط ماه
ومن ترقب رزق غيره مايجيب
غير ماالله كاتبه والله عطاه
هقوة” تصيب والاخرى تخيب
والطمع ضيع محاصيل الغناه
ولازم المخلوق يقنع بالقريب
والبعيد بتركه احيان النجاه
طير” كفك على كيفك قضيب
خير من عشره على غصن الغضاه
ومن تبع شهوات نفسه مايطيب
وطارد سرابه مايروي ضماه