يا مسلسلين الدمع … بقلم الاديبة المبدعة سميرة محمودي
سميرة محمودي ·
يا مسلسلين الدمع
ومكتفين الآه
كاتمين علي نفس الحياة
بالمسكنة والزيف
قالبين نهار الشمس
سكة للوحوش
حابسين شعاع الامل
في قمقم العتمة
رسم الوشوش بالرتوش
من حلم للضلمة
بني الف سد من الحجر
على صبر كان رحمة
نخبط دماغنا تتفجر
من زحمة الافكار
ندخل حواري الشوك
نطلع بكام صدمة
شدتنا اضواء المدينة الفاضلة
مكنتتش ابدا معضلة
نوصلها بالاحلام
نحسب مدارات الزمن
نلمح سراب او طيف
ايام تعدي من الزمن
العمر كان تخاطيف
كام الف صورة للبشر
ويانا ف الترحال
تايهين لفين كلنا
وكل دى احمال
شايلنها فوق ضهرنا
واصلين لارض محال
طب فين تلاقي بذرة
الحلم اللي كنت زرعتها
يا ايها الحمال
ياللي بتحلم بالحياة
نفسك تدوق حضنها
ارمي المشاعر كلها
توصل لها
لو عشتها تمثال
ربما تحتوي الصورة على: شخص واحد، ووقوف ونشاطات في أماكن مفتوحة
٦ تعليق
٥٩سميرة محمودي و٥٨ من الأشخاص الآخرين
أعجبني